大年初七，老董之友陳啟宗牽頭成立「香港發展論壇」，自稱冇政治立場，但明眼人都睇到嗰四十位仁兄，全部都係抗民主嘅保守派、保皇黨人物，鄭維健更加係老董嘅大「智囊」，連工都唔做，幫老董競逐連任，係人係鬼，市民心照。
心水清之人奇怪，點解老董另一個護法梁振英榜上無名，一說話佢往賭王品題，話佢出身貧窮，天性憎有錢佬，搞到上流精英怕咗佢，老何話佢做特首要走人，更加人人爭相走避，另一說就話梁振英其實係幕後主持人，佢唔入壇，可以保留彈性，將來再嚇你一驚，包括參選第三屆特首。
咁你點講都得，梁振英都冇你符，不過如果你話佢係共產黨，佢就一定會出稿澄清。噚日振英哥就反駁有報道話佢曾親口向已故嘅金堯如承認自己係共產黨員，重再次嚴正聲明話自己從未加入過任何政黨，並非任何政黨黨員。
傳真︰2623-9278
電郵︰