梅艷芳病中與現代美容簽下代言人合約，近日美容院方面聲稱曾多次追問阿梅生前經理人Marianne，關於阿梅的病況，始終不獲交代情況。
昨日有法律界人士指出，假如有經理人代表阿梅接洽及處理事務，該負責人應清楚阿梅的病情，若此情況成立的話，如果廣告商多次追問經理人有關阿梅的病情而遭隱瞞，發生誤導性陳述，而廣告商又能證實該陳述是合約重要的關鍵，則可申請合約無效，廣告商能索回款項。
對此黃國桐律師（圖）昨在電話中說：「如果情況發生喺簽約後，就冇得咁講，一切睇合約，但如果發生喺簽約前，就要睇所謂嘅誤導喺言語上用乜嘢字眼，係咪好鄭重同明確，或者合約上有冇寫明擔保條款，擔保未來點點點，但呢種條款好少見。」