新巴董事總經理許雄，係退休高官，轉眼又第二次退休，佢噚日話做咗幾十年嘢都冇正式休息過，諗住退休後先休息三個月，但係禽流感就打亂咗佢嘅大計，原來佢計劃好一退休就飛去布吉歎番陣古法泰式按摩，點知泰國爆發禽流感，總理他信隱瞞疫情，搞到你唔信，我唔信，他也唔信。想話改地方啦，但係成個東南亞冇一個國家幸免，美加又太凍，澳洲機位又爆晒，搞到佢冇碇遊埠，都幾閉翳。
許雄任職新巴近六年，因工作關係收收埋埋唔少巴士渡輪模型紀念品，儲埋有成三、四百架，當中有啲重係絕版貨，佢話退休後冇計劃開模型舖，所以決定將所有模型捐晒畀慈善機構，用嚟義賣籌款。
（圖）新巴董事總經理許雄做埋聽日，就正式向新巴講拜拜，享受退休生活。
傳真︰2623-9278
電郵︰