雖然話過完年唔使再急於買床單被鋪，但若然咁啱遇到好似今次吉之島咁，床單套裝同各款床上用品，減到最平幾十蚊都有交易的話，唔買又好似對唔住自己，反正床單又唔會過期，款式唔會OUT，買多一兩套以備不時之需或者打算替換都好呀。
記者：黃婉冰
大人細路都鍾意嘅迪士尼卡通床單，每套包括有床笠、枕袋及被芯，備有單人、雙人、加大三種尺寸任揀，除米奇外另有小熊維尼款式，全棉質料，小朋友至啱。
羽絨被有50%同70%兩種，兩款價錢同樣減到一千蚊有找，備有單人、雙人、加大及特大四個尺碼，可以趁平買定下季先用。
枕頭用上經過特別處理的棉，可以避免滋生蟎菌，同時質料具有彈性，經過長時間使用亦唔怕會變形。
特賣日期：即日起至2月4日
查詢電話：28846888
地點：吉之島全線（慈雲山店特賣期最後今天；樂富店至1月31日）