恒隆集團主席陳啟宗牽頭組成嘅「香港發展論壇」，日前話得到商界大力支持，於是噚日喺廠商會新春團拜上，各行家追住問會長楊孫西同班會董。
楊會長話，工商界成立更多組織反映意見係一件好事，但佢剛剛返到香港，對呢個組織唔係咁了解，所以暫時冇打算加入。佢話廠商會其實最留意係有關香港工貿發展，最大願望係每年嘅工展會搞得好好睇睇，總之要生意人從政，係一件好辛苦嘅事。會董之一、年逾六旬重揸架哈利嘅其士主席周亦卿就話：「自己已經過時、留番畀啲後生仔」云云。但八方相信一個老牌商會係好難去從政，或者其他比較後生啲嘅商會，話唔定反應會好踴躍。
（圖）中華廠商會會長楊孫西（中）話最緊要係搞好生意，對從政似乎興趣不大。
傳真︰2623-9278
電郵︰