自己做：
迎新學期圓碌碌畫紙筒載新作

正在倒數農曆年假的學生哥，又是時候收拾心情迎接新學年。要紓緩既沉重又沉悶嘅學習壓力，大可為自己「度身訂做」一些得意有趣嘅文具，令學習變成賞心樂事。而且做法容易，小朋友都識，快快完成準備返學啦！

記者：吳嘉怡
攝影：梁細權、蔡鴻雯
模特兒：周曉銳（Starryland）

唔少父母都想培養子女嘅藝術天份，其中畫畫班可說甚受歡迎，不過每次上堂，一大堆嘅畫紙用大大塊的畫板收藏，既佔用空間，攜帶上又非常唔方便！今次教你用卡紙自製畫紙筒，圓筒形嘅設計，慳位之餘，又好鬼實用，以後小朋友就算要到郊外寫生，都變得輕而易舉！

材料
大卡紙　1張$8
花紙　1張$5
紅色卡板　半張$3.5
牛皮膠紙　1卷$5

小秘技
為免弄皺畫紙，最好選擇一些硬度較高的卡紙，又或者可以在捲的過程中捲多數層，以加強畫筒的耐用性。

兩用水松板
新學年要重新整理功課，為免遺漏，不如自製一個集記事、筆座等功能於一身嘅多功能記事板。佢唔單止係小朋友嘅最佳助手，相信重可以作為父母同小朋友溝通嘅其中一個橋樑㖭！

材料
大、小水松板各　1塊$20
花花裝飾　1包$9
藍及黃色海綿膠條各　1卷$14
金葱繩　1卷$10

小秘技
要令做筆插的小盒子看來四正整齊，切記𠝹摺位時不要𠝹到底，以作摺合之用。

環保可樂罐筆插
小朋友最鍾意飲汽水，而飲完嘅汽水罐咪浪費，可以搖身成為小朋友嘅至愛文具──筆插。小朋友重可以喺鐵罐上，寫上對父母嘅心底說話，實行傳情兼實用功能二合一！

材料
罐裝可樂　1罐
海綿膠條　2條$5
花紙　1張$7
牛皮膠紙　1卷$10
鐵剪　1把

小秘技
要筆插更加耐用，緊記要先徹底洗淨汽水罐，待其完全乾透後，才可使用。