早陣子，亞Mark曾經同大家提過，話越野路華代理遲吓響2月上旬會搞個大型試車會，地點會係新落成於台灣嘅越野路華ExperienceCentre，而車款當然係炙手可熱嘅全新Freelander啦！據知，今趟代理招呼香港龐大嘅汽車媒體到彼邦試車，主要係配合佢哋將於2月下旬，在港新Freelander登場嘅部署；做法完全係針對即將在港推售嘅全新寶馬X3車系，皆因兩者嘅銷售對象，均屬較年輕一輩嘅用家嘛！
由於對手來勢洶洶嘅關係，亞Mark聽聞即將在港面世嘅新Freelander，無論造型、設備及配套亦有所革新及追加，而車價定位只介乎30萬上落而已，再配合上越野路華響RV界有咁大名氣同信譽，究竟鹿死誰手，車迷真係要拭目以待喇！之不過，香港越野路華嘅總舵手LeonardCheng，有豐富RV銷售經驗，並有曾連奪數年北美越野路華TopSales紀錄嘅SamuelSun輔助，出掌本地嘅營運工作，睇嚟真係要看高一線噃！