凌志LS430Bluetooth增設備享受高

豐田旗下嘅凌志LS430車系，是日本同級車款中，較能媲美歐洲一線豪華轎車嘅安全性及舒適度，更首次加上AFS大燈、膝部安全氣袋，以及新增有多個車廂照明裝置及化妝鏡組合。惟美中不足嘅地方，會係代理版刪減咗電子液氣壓避震，亦未有追加「藍芽」免提電話（見上圖）；而呢部經由汽車平衡進口商引入嘅新版LS430，卻一應俱全呢！

記者、攝影：陳偉林

■由汽車平衡進口商引入嘅凌志LS430Bluetooth，設備配搭要來得更齊全，享受更高級。

■四輪新款18吋合金胎軨，有助增強路面循迹性。

■一體式車頭泵把連氣霸組合，望落獨特吸引。

凌志車系打從首次推出嘅LS400車系，經已教世界各地車迷刮目相看，皆因車款中無論造型設計、車架結構，以及豪華裝備同配套，均有媲美歐洲一線車款嘅條件，直至近期嘅LS430，演繹更臻完美，細微處重好切合亞洲用家嘅口味同操作㖭！

■成三角形嘅尾燈編排，能給予尾隨車輛明確提示。

■一組AFS人工智能轉向Xenon頭燈，可增強行車安全度。

■軚盤後方設有免提電話及音響聲量控制鍵，隨手可及。

■中控台頂端嘅顯示屏除屬輕觸式設計，可讓乘客控制各項設備外，另外重有免提電話鍵盤配置。

動感外形出眾吸引
至於呢部早前剛抵港嘅2004年全新版凌志LS430，外形跟代理進口型號相若，惟四輪卻屬加大碼嘅18吋跑車合金胎軨，既見跑意重有更高嘅貼路表現㗎！再者，一對炯炯有神嘅AFS人工智能轉向Xenon頭燈，匹配全新頭泵把連大型氣霸，還有原廠霧燈配置，時尚之餘重好有一份活力㖭！

■中控台除有高級音響及恒溫冷氣外，下方更有TCS系統開關及電子懸掛選擇。

■後排中央前方，備有獨立座墊及椅背調校外，重有音響同冷氣控制。

氣派十足享受至高
打開車門所見，前後原廠高級真皮椅，配襯四周上乘桃木修飾，既豪邁又突出，乘坐感貼服又見支持力，而後排重有內置電動按摩功能同發熱暖椅設計㖭！
其次，部車重內置有「藍芽」免提電話、多功能ScreenTouch行車電腦控制，以及多達11具揚聲器同至頂級MarkLevinsonPremiumSoundSystem裝置；當然少不了重有全車10個安全氣袋連充氣簾幕，以及新增後排獨立化妝鏡連照明裝置，若置身其中既寧靜愜意重有至高享受㗎！

■車廂鋪排簡潔之餘，四周更鑲有桃木裝飾，豪邁氣派盡在不言中。

■改用白指針嘅液晶表板配搭，資料豐富易讀。

■全新SmartKey設計，開關車門及啟動引擎變得更方便。

電子懸掛操控更出色
新車沿用一台4.3公升V8偈，匹配6前速半自動波外，原車重備有電子液氣壓避震裝置，起跑加速動力源源不絕之餘，重可以配合駕駛同路面需要，將懸掛調校及降低車高㖭！匹配上原車主動式VSC、TRC系統，以及ABS、BA連EBD裝置，重每有收放自如嘅煞車效應噃！

記者評語：設備至豪至齊全
新車除有至新嘅AFS人工智能轉向大燈外，重有標準化嘅電子液氣壓懸掛組合，加上最新「藍芽」免提電話裝置，以及至頂級嘅MarkLevinsonPremiumSoundSystem裝備，既富安全度，又能適應不同路面及駕駛環境需要，而且重有至高無上嘅舒適自動化享受㗎！

■後排中央手枕後置有隱蔽式電雪櫃，同樣就手方便。

■兩排座椅以高級真皮鑲嵌外，後排更備有電動按摩及發熱功能。

■一套6前速半自動波配搭，可讓引擎發揮至極。

凌志LS430Bluetooth規格
引擎：4292ccV8DOHC
馬力：280ps/5600rpm
扭力：43.8kgm/3400rpm
傳動：6前速半自動波，後輪驅動
懸掛：（前）雙搖臂（後）雙搖臂
制動：（前）透氣碟（後）透氣碟（ABS）
輪胎：245/45R18BridgestoneTuranzaER33
尺碼：5015×1830×1470mm
軸距：2925mm；車重：1840kg
平均耗油：8.9km/L
新車售價：約港幣70萬起
車輛提供：富利堡汽車（28776700）

■新車備有電子液氣壓懸掛，可按不同路面情況，調節軟硬度或車高。