天寒地凍,香港人興打邊爐,而日本女士呢個時候都會為佢哋嘅愛人整一個招牌熱鍋。連好耐冇見嘅真鍋薰都突然以師奶亮相,喺雜誌教大家整佢嘅拿手豆奶鍋。真鍋話:「可能我個名有個鍋字,我真係好鍾意食熱鍋㗎。」但我羅拉奉勸真鍋薰,淨係顧住整鍋再唔出嚟露吓面嘅話,遲早叠埋心水做師奶。