無懼嚴寒兩勇警跳海救青年

【本報訊】「我哋見個青年浸喺水凍到開始反眼冇反應，知道再唔救佢實唔掂，所以冇諗啲水凍唔凍就落水救人！」一名患有抑鬱症青年，昨晨在紅磡海心公園跳海自殺，一名警長及一名警員未懼嚴寒水溫落海救人，在同袍協助下救回蹈海者一命。英勇救人的兩名警員事後獲同袍稱讚，警長因手部割損，與獲救青年一同送院。

「啲水真係好凍」
兩名「救人英雄」分別為加入警隊十四年人稱「邦哥」的姓鄭警長，及加入警隊九年的姓吳警員，同為警方西九龍衝鋒隊隊員。昨晨九時許，天文台錄得市區攝氏十三度低溫，鄭帶同多名警員乘坐衝鋒車巡邏至順風街海心公園外時，一名姓李（五十四歲）男子將警車截停，指公園內有人跳海自殺。
「我哋見個青年浸喺水凍到開始反眼冇反應，知道再唔救佢實唔掂，所以冇諗啲水凍唔凍就落水救人！事後諗番先覺得啲水真係好凍。」另一名姓徐警員則發揮合作精神，拋下水泡協助救人。

青年患有抑鬱症
兩人在攝氏十度水溫下，花上十多分鐘將跳海青年拉回岸邊，消防趕至將他救起送院，警長及警員即時穿回制服及披毛氈保暖。兩人未懼嚴寒跳海救人，獲同袍稱讚救人英雄，但兩人卻謙稱：「救人係警察職責，冇乜英雄感，但我哋都好開心。」
至於跳海獲救青年姓潘（二十五歲），警方事後調查獲悉潘患有抑鬱症，他向警員表示不開心想死，經送院救治後情況穩定。