金堯如走了，佢嘅細仔金慶國同老人家辦好身後事之後，亦已返回香港。而一班金老總嘅好朋友包括李子誦、羅孚、司徒華聯同在港親友特別為佢舉行一個追悼會，時間定喺呢個星期日下晝三點至五點，地點就借用教協喺銅鑼灣堅拿道西十五號永德大廈閣樓舉行，金老總生前好友都請出席。
今次追悼會有兩位聯絡人，一個係羅孚嘅兒子羅海星，一個就係當時被金老破格重用嘅程翔。原來曾經做過台灣「地下黨負責人」嘅金堯如真係膽識同見識過人，佢喺文革受盡批鬥之後重返香港，由於感到辦報大大需要人才，所以曾打破左報傳統，起用非黨員嘅兩位港大畢業生——程翔同現時《經濟日報》社長麥華章，分別升至《文匯報》副老總同副總經理嘅職務。
傳真︰2623-9278
電郵︰