港台與新城分別在昨日舉行團拜，兩台不約而同邀請了男子組合Boy'Z出席，Boy'Z在港台的團拜活動上更扮成財神拜年，兩位成員Kenny與Steven更自掏腰包派利是，至於新城則有台柱薛家燕坐鎮。
Boy'Z新年期間並沒有出埠旅行，兩人各自在家中開派對，Steven說：「我同啲朋友喺屋企打邊爐，食完之後唔記得熄爐，之後重走咗去瞓覺，瞓醒之後成屋都係煙，嚇死我。」
甘國亮表示今年新城會與華南地區有較多合作，問到會否加人工或裁員時，甘國亮說：「賺到錢咪加囉，咁都唔可以成日共度時艱㗎。裁員？唔可以咁講，我哋都係精簡人手啫。」
此外，廣播處長朱培慶表示三月尾會與汪明荃合作舉行演唱會，為防癌會籌款，而四月香港電影節舉行期間，港台亦會安排播放張國榮與梅艷芳合作拍攝的《煙飛煙滅》，以示紀念。
採訪、攝影：胡比、駱華齡