港台噚日舉行一年一度的新春團拜，共有十一家電子傳媒的頭頭共聚一堂，其中不少是新近出現的收費電視台。眾多傳媒巨頭內，以新城廣播行政總裁甘國亮最受歡迎，因為佢逢人都派利是。
甘國亮同八方講，噚日專程為公司求咗支籤，係第100籤中吉籤「唐明皇擊鼓催花」，意味「萬大事皆重新來過」，因為去年生意表現差強人意，希望今年更好景。佢重話，財經台喺廣州拓展業務的計劃，可望於上半年完成，今年賺錢在望。
咁如果好似何志平、求咗支下籤點算？甘國亮話一早講明衰嘅係自己，好嘅就留畀公司。呢個總裁都算難得。
（圖〉甘國亮（中）幫新城求咗支中吉籤，總算不負眾望。
傳真︰2623-9278
電郵︰