踏入猴年，人人都話係民主年，立法會睇怕有排唔得閒，唔怪得班尊貴議員有得唞就唞，春節期間有十幾位議員出咗埠，包括田少、李家祥、李華明、李國寶、吳靄儀、周梁、陳智思、黃宜弘、劉慧卿、石禮謙等等。而主席范太就冇離開過，八方問范太身邊嘅人，點解主席會留守香港，先記得佢過年期間搞咗個年宵攤檔，為「腎之友」籌款。
結果范太都算有啲成績，計計埋埋一共籌咗六萬大元，全部捐出，至於嗰萬八元用嚟投個攤位嘅開支，就由范生負責。
呢個世界善有善報，范生同范太隻「另具一格」只要今年喺馬場生生性性，win番一兩場，就翻晒本有多。
范太前日已經正式發出邀請，由佢做東，請特首及一眾行會成員同高官，本周五假立法會大樓宴會廳春茗，重特別舉辦一個「趣怪立法會會議片段」選舉，由嘉賓同議員一人一票選出，睇怕老董冇機會跑出啦啩。
傳真︰2623-9278
電郵︰