關心妍上周到廣州出席簽名握手會，原本廣州再發現沙士個案，她又患上感冒，醫生一度建議她取消廣州之行，惟關心妍不想fans失望，遂帶病前往。
關心妍說：「我帶定口罩同消毒藥水，諗住只係簽名唔握手，亦都唔會喺當地食嘢，點知fans太熱情，猛摸隻手，既然係咁我咪索性同佢哋握埋囉！而且，我見全場只得我一個人戴口罩，到最後我連口罩都除埋，今次真係拚死簽名會嚟㗎！」
大會特別安排多名工作人員維持秩序，其間有一男fans欲借獻花為名上台抱她，幸關心妍及早發現即時避開。問關心妍是否要出席飯局應酬時，她笑說：「唔使，我話咗唔食嘢，而每次我梗係有好多藉口拒絕，一時話食齋，一時話趕住走，次次都過到骨。」