香港市況向好，唔少汽車代理商，都願意引入新車款到港，以刺激本地車迷嘅購買慾。昨日，亞Mark就提過話有代理商，正準備農曆年假過後，響本地推出新車；當中，相信最備受注目嘅，會係寶馬部X3多用途RV喇！皆因同廠嘅X5自面世以來，在港嘅銷量亦唔錯，去年更經常受到美國生產基地嘅供不應求所困擾，致令X5全年在港銷量，僅少於同級對手平治M-Class20部而已。相信日後寶馬X3正式在港推出，亦會吸引到唔少寶馬同RV嘅愛好者所捧場㗎！
然而，雖然亞Mark聞得部寶馬X3，快者都要今年4月才正式在港登場，惟早於去年聖誕假期前，經已有數部X3樣辦車抵港，若然一切準備工夫順利的話，而歐元又有望滙價回落的話，亞Mark預期部X3可有機會跟香港車迷見面呢！