黃國桐律師（圖）昨日接受電話查詢時，表示以梅艷芳與現代美容的情況，是雙方在沒有辦法繼續下終止合約，故雙方均毋須負責，但要就合約內容所訂，支付對方應得酬勞或退款。
黃國桐說：「呢種情況重點唔係賠償問題，而係合約喺冇辦法繼續下終止，雙方都冇責任。要追就計做咗幾多嘢，收番幾多錢。如果廣告商畀晒錢，梅艷芳做唔晒，咪退錢囉。又好似梅艷芳有去到日本拍廣告，如果未收晒錢，佢嗰方面亦可以追番應得酬勞。」
問到梅艷芳在得知自己末期癌症的情況下，與廣告商簽訂兩年合約有冇問題，以及廣告商能否追討時，黃國桐說：「冇得咁計，末期唔一定死得，有啲人末期重有多三五七年命㗎。」