李彩樺紅粉花甲丁財兩旺

李彩樺（阿Rain）雖然一向予人長不大的感覺，但其實她為人頗細心。每年過農曆新年時，阿Rain除會置新衣外，還會細心為指甲扮靚一番，紅粉緋緋的手甲，既可吸引異性，改善人緣，說不定工作量也會增加呢！

今天已是年初六，相信不少打工仔已開工大吉，新年新氣象，很多人都會由內至外添置全新衣物，而李彩樺則認為除了衣服外，手指甲亦需要注意及打扮一番。

靚甲逗人高興
阿Rain說：「其實平時我都會自己整吓啲手指甲，做吓手部護理，搽吓指甲油。新年去拜年嘅時候，點都會露對手出嚟畀人睇到，所以如果可以整啲靚嘅圖案上去，啲人見到啲咁得意嘅手指甲都識笑同開心啦！」
至於如何為指甲扮靚，阿Rain說：「𠵱家興啲唔同圖案嘅手指甲，所以我諗住搞吓氣氛，整啲新年feel嘅假手指甲貼落手指度。不過呢啲咁花巧嘅技術我就唔識，所以都係出去畀人整。」

十指盡桃花
談到七彩繽紛的指甲，阿Rain興奮地說：「我好鍾意粉紅色，所以見到老闆整咗set粉紅色底加桃花嘅手指甲就好鍾意，又可以襯衫，重襯晒新年㖭！又或者可以整啲卡通樣嘅猴子頭再加個福字咁，都幾得意。」阿Rain表示假指甲只要沒有破損便可以再用，絕對不會浪費。
採訪、攝影：陳梅香
場地提供：NailsFromHeART