【本報訊】近年不少工廠大廈單位紛紛轉型成為Outlet散貨場，大量名牌波鞋及運動服裝以超低價發售，部份貨品最低只需巿價約四折價錢便有交易，就連趕潮流的時髦一族和自由行旅客也聞風而來「掃貨」，令這類由工廠大廈變身而成的樓上舖漸有成行成巿的趨勢。 記者：黎國強
廠廈式Outlet近年大行其道，外表又殘又破的工廠大廈，十多層樓內可以開滿Outlet店，以觀塘開源道業發工業大廈為例，裏面恍如一條「小型旺角波鞋街」，Nike、adidas、NewBalance、Kappa、Asics等名牌貨，說得出的也找得到，而且價錢比巿面波鞋店發售的正價貨品便宜了一大截。
在觀塘開源道經營了一年多的卓綸集團有限公司負責人許孫華表示，該店發售的全部是正牌貨品，價錢最低只需巿價的四折，他說：「以前啲後生仔要買波鞋，或者潮流服飾，多數會去旺角波鞋街，但係近年多咗工廠大廈空置，Outlet散貨場愈開愈多，連外國遊客同自由行旅客都走上嚟執平嘢。」
許孫華說：「我哋嘅貨品平均半價發售，好似Timberland嘅阿郎Boot，巿面賣成千銀，我哋四百八十蚊有交易，好多客第一次上嚟見到平咁多都呻笨！」他表示，廠廈式Outlet雖然並非位處旺巿，但競爭優勢是地方大，租金平，從而做到價廉物美。
同樣開在工廠大廈內的adidasFactoryOutlet（工廠特價場）也以低至三、四折的價錢散貨，負責人阿安表示，由於近年運動服裝競爭激烈，經常轉新款式「搶客」，季尾轉了款的貨品便會安排到特價場發售。
阿安說：「唔好以為特價場賣嘅全部係老套嘅舊貨，由於名牌波鞋、運動衫通常每兩、三個月就有新款推出，較少人吼嘅舊款式就會運嚟特價場，所以我哋啲貨重係好追得上潮流。」
「THE2008」店員黃小姐表示，由於有不少外國旅遊書籍和網頁推介，近年多了不少外國遊客幫襯，令這類廠廈式Outlet儼如另類潮流服飾集中地，她說：「我哋間舖開咗兩年，除咗愈來愈多年輕人上嚟之外，好多日本人、外國人都會上嚟搵平嘢，舊年自由行推行後，內地客都識得走上嚟掃貨。」
除了觀塘區，部份特價場亦開設在其他區域的工廠大廈，adidas的特價場開設在荔枝角區的香港工業大廈，專門售賣該品牌的產品。
