香港仔中心水電頻停招不滿

共有二十座樓宇的大型私人屋苑香港仔中心，居民投訴經常電力及鹹水供應中斷，平均每月一次；而在去年10月至12月短短兩月已至少停電四次，居民不滿管理公司安排失當，為他們帶來不便。

其中居民馮女士指出，近年香港仔中心鹹水中斷次數愈見頻密，有時每月一次以上，居民只好以食水沖廁。「咁落去都唔係辦法，好嘥水、又麻煩，有時重唔覺意倒到成個廁所地面都係水，周圍濕晒！」

兩月4次每次7小時
居於香港仔中心十多年的梁先生指出，除鹹水供應經常中斷帶來不便外，電力供應亦經常中斷，單是去年10月至12月短短兩月已至少四次，每次至少維持六、七個小時。
「好麻煩！夜晚十一點幾開始停電、一直至翌日朝早；𠵱家普遍打工仔嘅放工時間都唔會太早；試過一次收工趕唔切返屋企，冇電，迫住去人哋屋企借宿一宵！點解唔安排喺日間大部份人都返晒工、或者再夜啲，在凌晨進行呢？」

「點解要分咁多次？」
不勝其煩的住客麥小姐直斥管理公司安排不當，「成日都話檢查維修，點解唔集中一齊進行？點解要分咁多次呢？成個屋苑有二十座，雖然唔係次次都全個屋苑一齊停，但都會分批去進行，受影響嘅人數都好多！」

平均每月停鹹水一次
負責管理香港仔中心的黃埔物業管理有限公司回覆稱，平均每月暫停鹹水供應一次，原因為個別單位業主申請暫停供水，以便進行廁所裝修或坐廁更換工程，故要關上供水系統。
為減少對住戶影響，管理公司已定下方案，限制住戶只可在平日非繁忙時段，申請暫停鹹水供應，以進行廁所裝修或坐廁更換工程，並須於兩個工作天前以書面申請。
另外，去年一月初、五月初及五月中，因水務署維修鹹水輸送管而致整個香港仔中心鹹水供應暫停；而六月初及十一月中則分別因清洗大廈鹹水箱及搶修大廈輸水喉管工程而暫停供水。
覆函又指，屋苑去年下半年曾有數次暫停電力供應，包括十月初及十一月初的定期檢查及更換配件工程。此外，因商場更新供電系統而於十一月下旬及上月初凌晨時分，暫停電力供應。 （○一○九○三○）

服務熱線
電話:29908288
傳真:23702192
電郵:[email protected]