應采兒自言去年是豐收的一年，雖然猴年賀歲檔沒有她主演的電影上映，卻有機會拍攝由張艾嘉監製的台灣劇集《候鳥E人》，與譚俊彥等人合作，她說：「原本杜琪峯套電影《柔道龍虎榜》排喺農曆新年上，但因計劃推遲，所以變咗新年冇戲上。」
不過，應采兒亦因此有空檔接拍電視劇，她表示拍劇不及拍戲舒服，她說：「喺台灣拍劇，演員要自己照顧自己，唔似喺香港拍電影，梳頭化妝都有人照顧。」
談到新年願望，應采兒最希望世界和平，她說：「○三年太多戰事，所以世界和平好緊要，其次就係可以置業，我首先希望喺美國曼哈頓買樓畀爹哋媽咪住，之後就喺香港買樓，所以猴年要努力賺錢！」
採訪：何永寧
攝影：仇志德
化妝：Synn
髮型：04Dy