由於市道轉好，樓股外滙黃金齊升，呢個年大家都過得幾開心，今日大年初五，做文職嘅打工仔大多數要開工，你估打工仔最想同最唔想見到邊個？
八方嘅答案係中原地產老闆施永青。點解？因為施老闆出咗名唔贊成派利是，不過，佢就贊成加人工。
過年前喺一個公開場合，八方聽施老闆話，沙士期間，由於生意唔好，中原部份員工被減薪百分之十至十五，但疫潮過後，已陸續向員工發放花紅，去年底都有出雙糧㖭。
施永青重大腳交波公開呼籲滙豐銀行同公用事業等大機構應該帶頭加人工，因為加薪後可以進一步刺激本港經濟；佢話「啲僱主唔肯加人工，最後可能會因小失大。
滙豐會唔會聽施永青支笛？九七前，滙豐主席係行政局議員，九七後就遭受阿董及土共排擠，𠵱家至識叫滙豐加人工？加都加英國同歐洲嗰便嘅員工，條氣順啲喇係咪？
傳真︰2623-9278
電郵︰