女子組合Cookies昨日在金鐘添馬艦「環球嘉年華」舉行新碟及海報簽名會籌款，在會場內購買她們新唱片便可獲Cookies的親筆簽名，原本大會只安排一百個名額，但因現場反應熱烈，於是增加五十個名額；至於昨日賣碟所籌得的款項，將全數捐予陳慧琳助學基金。
被fans重重包圍的Cookies，昨日竟毫不客氣地當眾狂踩自己友Kary，Stephy力數Kary打麻雀慢吞吞，經常邊打邊吃零食，Kary聽罷即不甘示弱說：「佢哋個個都話我肥，啲肉打橫生好似再度發育，我話生就生啦，不過係我額頭生暗瘡啫！」
但其餘成員即踢爆Kary說：「鬼咩！佢一起身就攞住罐芝士波係咁食！佢係再度發育，但應大嘅地方唔大呢！」雖然被自己友圍攻，但Kary不但沒嬲怒，反而開心地笑說：「睇吓我畀幾多歡樂佢哋！」