呢兩日雖係農曆年假期，但對於超人李嘉誠旗下嘅和記電訊員工，更加有大戰當前感覺，事關香港第三代流動電話網絡「3」聽日會全線開展服務。繼上周六開放本港旗艦店外，和記噚日又公布，佢哋嘅3網絡已經攞到環球唱片、華納唱片、百代音樂及金牌娛樂事業同意，畀「3」客戶下載呢啲公司旗下歌星嘅足版歌曲同MV；另外又同路透社合作，提供財經資訊及個人投資組合最新回報，猴年資訊娛樂立體攻勢，認真唔講得笑。
電訊界老友講，可以用「雷霆萬鈞」嚟形容和黃催谷3G嘅態度，到底3G係唔係啱香港市場？香港人出名火麒麟周身癮，加埋大陸勝地，3G登陸，開枝散葉，相信重快過全世界㖭。
傳真︰2623-9278
電郵︰