三菱車隊再奪越野車賽冠軍

三菱車隊再奪越野車賽冠軍

備受車迷注目嘅「2004巴黎—達喀爾越野錦標賽」,已於日前圓滿結束;今屆賽事可謂非常精采,來自各國嘅多隊車隊皆落力作賽,希望響比賽中取得好成績;然而,擁有多年參加巴黎—達喀爾越野錦標賽經驗嘅三菱車隊亦唔例外,而且重響今屆賽事中,奪得冠軍寶座㖭!
全長達11,000公里嘅「2004巴黎—達喀爾越野錦標賽」賽事中,可稱得上要憑着車手嘅毅力、超卓嘅技術及戰車嘅可靠性,方能完成整項賽事;而三菱車隊嘅法國車手彼德漢素(StephanePeterhansel),就與三菱PajeroEvolution戰車攜手作賽,並勇奪冠軍寶座。呢個結果除咗係三菱車隊,第9次響呢項比賽中奪魁外,而且重係以破紀錄姿態,連續第四年蟬聯呢項賽事嘅冠軍,實在值得慶賀;相信響來年嘅賽事中,三菱車隊又會與其他參賽隊伍,展開一場更激烈嘅比賽呢!