吳君如坦言去年太多不如意事發生，人生觀有所改變，她日前說：「𠵱家心態真係唔同，有得做就做，有得玩就玩，同埋健康真係好重要，所以我最近又睇中醫，又見西醫，做埋婦科檢查。」
君如猴年唯一計劃是努力造人，她說：「拍戲就真係冇plan，有好劇本就諗吓，如果真係要plan，就係ready我人生大事。我都希望老嚟有兒有孫，有相士話我今年會有BB，我都好希望真係可以生得出，如果我生得出，我就會結埋婚，婚禮重會大搞，個仔可以陪埋我結婚，幾特別！」
農曆新年君如跟男友陳可辛返泰國老家，她說：「佢（陳可辛）屋企每年都會舉家喺泰國拜四面佛，咁我都會入鄉隨俗，同埋佢屋企人一齊去拜，所以我已經向有線請假，遲啲我都會放自己一個月大假，真係休息吓。」
採訪、攝影：楊潔雯