警隊一哥李明逵噚日結束喺北京兩日一夜嘅旋風式拜訪之旅，臨走之前，喺公安部朋友介紹下去咗北京市內一間叫「白雲道觀」嘅古廟參觀，據講呢間道觀有成六百幾年歷史。
一哥重去埋北海公園後面嗰個湖，因為𠵱家北京氣溫只有零下七度，所以個湖都結晒冰，好多北京市民都去溜冰。
其實𠵱家北京真係好凍，八方喺上面採訪嘅同事已經着咗羊毛底衫，又着冷衫兼一大件羊毛外套，但係都凍到震，點知一哥佢哋幾個警隊高層都係着得好少衫，其中「二哥」副處長鄧竟成就連羊毛底衫都無着，除咗件西裝之外，只係着咗件冷背心同埋攞住件乾濕褸，做過飛虎隊阿頭嘅鄧Sir體魄果然非常之fit。
噚日臨走前，一哥同公安部部長助理孟宏偉食午飯，一哥同八方同事講，話北京市每日已經有成二百萬架車行走，令到北京塞車問題愈嚟愈嚴重，咁一哥有冇將香港呢方面嘅心得同北京交流吓？一哥話：「我哋香港都解決唔到（塞車），點同人交流吖！」
（圖）「東海龍」以短馬頭險勝對手，難怪飛哥（左二）拉頭馬時表情古怪，好似驚魂未定。
傳真︰2623-9278
電郵︰