黃伯家中的雪櫃上月突然失靈，為他帶來諸多不便。「雖然𠵱家天氣冷，但啲餸菜唔放入雪櫃始終擺唔得耐，有時中午食剩啲餸，晚黑經已變臭，呢兩日我都肚屙，唔知關唔關事。」尚未康復的黃伯，一臉倦容地對記者說。
年近七旬的黃伯，與妻兒關係欠佳，一直分開居住，晚年過着孤寂的生活。黃伯大半生從事酒樓廚師工作，直至九七年因為裁員才被迫退休，目前依靠綜援金過活。「綜援金已經唔多，我重要照顧鄉下九十八歲嘅媽媽，每個月滙幾百蚊畀佢，所以我平日都好慳，屋企好多嘢都係人哋唔要畀我嘅。」
黃伯去年初由板間房遷往現住的公屋，家中大部份電器、家具皆由朋友轉贈，當中包括那部已有十多年歷史的壞雪櫃。「部雪櫃係殘舊啲，但叫做有得用，𠵱家壞埋，我都唔知點算，師傅睇過又話太舊冇得整。」
黃伯的個案由香港基督教服務處幸福長者鄰舍中心轉介，本報了解過其需要後，已安排轉送一部由讀者區小姐捐出的雪櫃給他。
捐款編號︰C1267
暖流熱線
電話:29908688
傳真:23702192
電郵:
網址：