今日係大年初四，亦都係最後一日公眾假期。由年三十晚開始玩通頂，加上美味的年糕、瓜子與角仔，身心與皮膚到今日都極為疲累。除了要收拾心情返回工作崗位，嚟緊亦必須抽空一、兩小時做Spa輕鬆吓！水份面膜、眼部護理、全身按摩……由頭到腳都咁爽。今日特別推介各項護理療程，特惠價錢專為新春後充電而設，令你回復狀態開工大吉！
記者：梁珮瑜攝影：陳陶鈞
模特兒：LillianLeung@StarzPeople 化妝：VivNg
香薰治療近年大為流行，不少護膚品亦加入香薰成份。據很多香薰治療師及美容師講，香薰浸浴水療簡單及舒服，更可以消炎殺菌、促進血液循環，有美容及消除疲勞的功效，最啱玩到殘的新春時候！
玫瑰花瓣香薰水療浸浴，原價$580，首次優惠價$380。另外其他花瓣的香薰水療浸浴$250~$380。
薰衣草—紓緩情緒、促進細胞再生、有除臭消炎及殺菌的作用。
迷迭香—令頭腦清醒、改善緊張情緒、抗菌、有助減輕頭痛及皮膚浮腫。
甘菊—紓緩焦慮、有助改善失眠、減輕頭痛、強化皮膚組織。
玫瑰—平撫情緒、紓緩緊張、有助平衡荷爾蒙分泌、特別適合乾燥及敏感皮膚。
浸完Spa，最好就係做番個Facial同BodyTreatment，雙管齊下由頭靚到落腳。新春至抵價就要數OasisSpa的「全身優惠」，事關價錢抵，最多可以慳成一千四百幾蚊㗎！「全身優惠」的療程6選1，揀至貴嗰兩項係最抵，所以特別為你介紹價值$980的水份面部護理，及價值$900的滋潤巴拿芬身體膜。不過揀邊一款療程應視乎個人需要，唔知自己需要，可以詢問一吓美容師意見。
美容師會以精華素，以電腦儀器幫你按摩面部通淋巴，然後將精華素導入皮膚，補濕修護、收緊及排毒。最後敷一個骨膠原面膜，改善皮膚。全程90分鐘，瞓一覺啱啱好！
瑞士護膚名牌Valmont位於中環新開幕的TheSpabyValmont，環境幽雅舒適，房間又大又靚，就連閱讀室亦寬敞舒服。Spa內設有多款水療及纖體療程，而所有療程更係以Valmont的純正護理程序處理，唔使飛咁遠就可以享受到正宗的瑞士護理，絕對物有所值。
（原價$1,250，特價$998）
TheSpabyValmont（31019998）
中環都爹利街6號地下
美容療程及健康水療程出名專業的LeonardDrake，特別針對身體需要，推出身體護理優惠Package。做完之後唔單只舒服，重可以去走過年食得太多的油脂，女士們新年食得多，都唔怕身材走樣啦！
