張天愛（Flora）去年與王敏德的胞兄羅素共諧連理，今年新春兩人在美國和上海恩愛度過。日前她在港應邀示範其品牌Tian的全新春裝時，透露猴年大計，事業上會創立新系列，生活上則希望可添丁。
張天愛去年第四度結婚，今年新春她和夫婿羅素在美國及上海度過。日前她在香港示範了其個人品牌Tian的全新二○○四年春裝，風格是她一貫的強項Chinesechic，色彩繽紛，強調剪裁及層次感。
Flora接受訪問時，表示新年一定要性感，她說：「新年性感啲好重要，唔好咁老土扣晒啲鈕上頸、遮晒啲肉咁。我今年就用咗中國圖案好似傳統喜慶嘅牡丹、菊花，結合西方剪裁同布料，好似透視、halterdress同miniskirt咁。」
今年Flora再度以已婚人士身份過年，但感受不大，她說：「新年係我最鍾意嘅節日，利是梗係派，我年年都派利是，Russell（羅素）都係，因為派利是係傳啲好運畀人。」
Flora表示小時候都會行花巿，她說：「嗰時爹哋做巿政局主席，會帶成家人去維園行花巿買花，俾記者影相咁，好開心、好熱鬧。」
Flora續說：「舊年實現咗結婚願望，拍拖、結婚、蜜月，休息咗一年，最希望猴年可以生BB，仔女都冇所謂。
「今年好多大計，我嘅時裝事業會計劃開一條新line叫『愛』，係做好平、幾十元嘅摩登中國衫，重要『比武招親』，搵一個有腦、有錢又有經驗嘅投資者，開拓巿場。」Flora表示最希望將中國文化推廣至全球。
採訪：DebbieLum
攝影：ChanChiLam
場地提供：Joint十五私房菜
