古天樂與梁詠琪（GiGi）這對銀幕拍檔，早前到金鐘的環球嘉年華大玩一餐，原來GiGi很大膽，玩機動遊戲時表現得很雀躍，相反畏高的古仔坐摩天輪懸在半空，即時腳軟。
梁詠琪與古天樂可算是近年的最佳電影拍檔，兩人在多部片中都以情侶姿態現身，下個月他們又會拍檔演出愛情喜劇《戀情告急》。雖然GiGi與古仔經常合演情侶，不過他們從來不會過電。
日前這一對銀幕情侶應本報邀請到金鐘添馬艦的環球嘉年華拍照，想不到古仔與GiGi一見到各種機動遊戲已即時「情不自禁」，玩得不亦樂乎。
GiGi對各種機動遊戲都甚有興趣，愈危險、飛得愈高和速度愈快的機動遊戲，她愈樂於試玩，令一向畏高的古仔看得目瞪口呆。愛刺激的GiGi不斷游說古仔與她一起玩，結果說服了古仔登上幸運摩天輪，又試玩「天外飛仙」及「超級挑戰」等遊戲。
不過古仔始終不敢嘗試「驚呼狂叫」和「跳樓機」這兩個遊戲，因為他坐幸運摩天輪懸在最高點時，已害怕得不敢低頭看，坐在他對面的GiGi相反興高采烈，不斷對古仔說：「唔使驚呀！下面唔係好高，你望吓個天幾咁靚！」但古仔始終不敢張開眼，並問GiGi：「落番嚟未呀！再係咁我頂唔順啦！」
古仔其後說：「我有畏高症，所以有好多時要上半空嘅機動遊戲，我都唔敢玩，真係估唔到GiGi咁大膽，唔高唔危險佢都唔玩嘅，真係服咗佢。」
每年農曆新年，古仔都會買新衫給自己，象徵一切重新開始，古仔說：「我希望新嘅一年可以有新嘅開始，可以身體健康，因為健康係最重要嘅財富，如果身體唔好，真係搵幾多錢都冇用。」
GiGi今年春節有十日假期，所以她與家人及男友伊健一起去外地滑雪，GiGi說：「一年先至可以有一個長假期，所以我會特別珍惜，對我嚟講過年係最開心嘅，因為辛苦一年，到農曆新年公司先肯畀我放長假，所以唔喺香港過年，少咗𢭃利是機會，我都唔會介意。」
採訪：陳月媚
攝影：陳慧安
場地提供：金鐘添馬艦環球嘉年華
