農曆初一、二，好多公司都歲晚收爐，等啲員工休息吓，但有啲地產依然年中無休，一於樓照賣，而且成績重好好㖭，好似信和置業，全線樓盤都照常營業，連佢哋嘅「樓神」─營業部總經理韓家輝，一連兩日都喺將軍澳新盤蔚藍灣畔位處於奧海城嘅售樓處助陣，實行羊年做到猴年，其他發展商售樓部嘅頭頭都冇佢咁勤力。
好在佢嘅心機冇白費，經過兩日衝刺，初步公布成績表，蔚藍灣畔銷售成績一直跑贏其他行家。八方噚日問佢點解唔放假，樓神話佢屋企人多數喺外國，所以假期返工都冇乜所謂。
（圖〉「樓神」韓家輝着住件金色唐裝衫喺售樓處助陣，生意都好啲。
傳真︰2623-9278
電郵︰