韓君婷和黃泆潼因為同屬一間經理人公司，經常接觸，兩人私交甚篤，可是日前本報記者邀請她們拍賀年照時，黃泆潼卻表示要跟韓君婷嗌交，二人又用膠鎚仔作狀打交，今日大年初三正值「赤口」，黃泆潼莫非要應節？
黃泆潼說：「講笑啫，其實我同君婷老友鬼鬼，我邊捨得鬧佢。不過，有時我會笑佢唔夠我靚激吓佢。」黃泆潼表示以前曾試過在初三跟友人嗌交，她說：「嗰陣重讀緊書，初三同同學去唱K，但因為收費好貴，我哋之間爭持，有少少爭執，最後大家唱完歌都好開心啦。」
至於韓君婷則表示從未試過初三嗌交，她說：「以前細個媽咪會避忌初三唔去拜年，𠵱家我就冇所謂，我都會見朋友，我覺得真係要嗌交都唔一定揀嗰日。」韓君婷的新年願望是事業順利，家人身體健康，今年可以抽時間陪爸爸媽媽去旅行。
採訪：比華利
攝影：仇志德
