史Sir史文鴻加盟自由黨，又一位學者由象牙塔走入社會，棄教從政。史Sir話，民主黨冇得救，睇怕楊森都要聽吓佢哋之高見同分析係咪有道理。
史Sir話，遲啲佢連電視台嘅節目都唔會做，專心做幕後軍師，八方忽然發覺香港有個新現象，就係政府唔掂，唔止迫到中產上街，連學者都要迫上前線。先有中大嘅劉兆佳，佳叔本來喺中大亞太研究所做得好哋哋，唔知係咪批評老董講得太多口水，最後竟然加入董內閣，做中央政策組組長。
城大嘅鄭宇碩本來已經好低調，點知都睇唔過眼，主動幫民主派協調，結果區議會一役大勝，𠵱家正雄心勃勃，希望九月再下一城。
中大佳叔在朝，理大嘅史Sir及城大嘅鄭宇碩在野，加上民主黨內嘅港大老師楊森同羅致光，今次真係幾大院校大鬥法，邊間勝出，重有待最後賽果先可分高下。猴年認真熱鬧。
傳真︰2623-9278
電郵︰