左麟右李演唱會昨晚大年初一開始在紅館舉行，昨午譚詠麟（阿倫）和李克勤先在紅館外切燒豬拜神，祈求演出順利，二人切過燒豬後，便迫不及待拿着祭品大快朵頤，不過也不忘派利是給工作人員，克勤說：「我噚晚綵排到兩點幾先返屋企拜神團年呀，頭先我父母都有嚟睇我，女友就一直喺後台幫手囉。」
提到環球前高層陳少寶涉嫌貪污案前日提堂，克勤說：「我有同佢通電話，問候吓佢囉。呢啲嘢局內人先知內情，作為朋友，我希望佢冇事啦。」
而阿倫接受訪問時提到陳少寶，他說：「我有睇新聞，但冇打畀佢，等佢靜吓囉，佢會處理嘅，局外人都幫唔到乜。」問阿倫在演唱會中會否以此事作講笑話題，他靜默良久後才說：「唔知，帶過吓囉。」
採訪：李珮洳 攝影：陳烱威