新春大吉，人人都話希望今年香港經濟好過舊年，真正走出谷底，但係民主鬥士馬丁李柱銘就話佢都係想講吓政治。
李柱銘希望香港人爭取民主一定要堅定，千祈唔好俾白頭蕭搞到失晒方向，其實老蕭同埋一批極左派，係想攞多啲談判空間；但香港人嘅要求好清楚，○七年特首，○八年立法會嘅議席全部由直選產生，千祈唔好俾人分散注意力。
講完政治，馬丁都隨俗祝港人新年進步，身體健康。
雖然馬丁屬虎，猴年同煲呔一樣犯太歲，但係估唔到重喺羊年尾，佢都因為敢言而被一班小人圍攻。八方勸班靠大陸搵飯食嘅小人無謂沾沾自喜，皆因香港人好醒目，群眾眼睛亦十分雪亮，好人定壞人，一定分得出。馬丁亦唔係好蝦，呢隻老虎表面斯文，但係一出擊必中要害。
傳真︰2623-9278
電郵︰