由昨日大年初一開始，至到年初十，市民喺中環花園道山頂纜車站搭纜車，又咁啱係佢哋嘅第一千八百八十八位搭客，就有機會得到財神派發一封利是，裏面係一份價值相當於一千八百八十八蚊嘅優惠券。
一家六口前往山頂觀光嘅劉太，成為猴年首位幸運乘客。她笑言對中獎感到意外，「原本打算喺年初一上山頂開開運，諗唔到未到山頂已經行大運。希望今年事事順利，繼續橫財就手。」
嗰封大利是裏面有四套凌霄閣娛樂套票，可以免費參觀香港杜莎夫人蠟像館、信不信由你奇趣館同埋超動感影院入場券，重有餐廳現金券同埋絕版纜車模型等禮品。
（圖〉劉太（右二）成為昨日第一千八百八十八位纜車乘客，獲贈大利是一封，踏入猴年即贏得一個好意頭。
傳真︰2623-9278
電郵︰