拜年最緊要講好意頭嘅嘢，工商及科技局局長曾俊華雖然人在瑞士開會，仍不忘同港人拜年。
佢負責工商，當然希望喺甲申年，工商業繼續蓬勃發展，趁住CEPA一月一日實施嘅好意頭，港人可憑住一貫幹勁同靈活進取態度，開拓內地同香港更大商機，增加本地就業機會，等香港經濟再度起飛，市民大眾可以豐衣足食，安居樂業。
最後，曾局長重打咗個好有趣嘅譬喻，話希望香港市民人人都好似新年糕點笑口棗一樣，笑口常開。
八方亦希望心口寫住個勇字嘅曾俊華問責局長，猴年事事順利，佢學過劍道，希望佢唔係「最後武士」啦。
傳真︰2623-9278
電郵︰