瘋狂戶外新春遊

逛完商場後，想吸一口新鮮空氣？無問題！唔好以為新春期間好多活動都被迫關門，其實有好多公司特別在新春期間，加插特備節目，讓你在新春假期之中，可以玩到盡、癲到盡，你預備好未？

鼓舞技藝迎新禧海洋公園
由初一至十一期間，海洋公園將會舉辦一個別開生面嘅新春「騷」，除咗繼續邀請冬季奧運會花式滑雪選手演出外，更首度重金禮聘民俗技藝團表演，即刻睇睇！

海洋公園
技藝團表演日期：1月22日至2月1日
時間：上午9時30分至晚上8時正
入場費：成人每位　$180，小童（十二歲以下）$90
查詢熱線：25520291

新春郊外樂逍遙蘆薈天地
趁年假想吸一口新鮮空氣？蘆薈天地由年初三至初十，每天上午10時30分至下午女3時30分，都為你準備了新春盆菜、BBQ、自學種蘆薈同遙控滑翔飛機等活動，任你享受一個大自然兼無煙嘅郊遊假期樂。

為台灣民間嘅傳統人偶表演，主角係財神爺，與運財童子同台演出一場精釆絕倫嘅鬧劇，絕對令人捧腹大笑。

鼓技係一種講求搖擺、跳躍嘅表演，尤其嗰種節奏強烈嘅架勢，同表演者威武嘅神態，絕對有雷霆萬鈞之勢。

中國民間嘅民俗藝術表演，由男性團員反串扮演40年代嘅女性，極具娛樂性。

蘆薈天地
地址：新界粉嶺丹竹坑新屋仔村35號
電話：26747812
開放時間：初三啟巿
費用：燒烤每位$78（成人）$58（小童）、新春盆菜每圍$1,280/12人、放飛機（只需購買該模型飛機便可免費學玩，價錢$380）

衝上雲霄遙控滑翔飛機活動，有教練指導學員，讓學員可以充份掌握到控制遙控飛機嘅竅門。

除咗有蘆薈簡介外，你重可以到田園自種小蘆薈，小朋友更可獲贈蘆薈BB一株，加深對大自然嘅認識。

吸一口無價嘅新鮮空氣同嘗一嘗蘆薈的鮮味，讓你可以暫且放下工作上的壓力，無拘無束舒展身心。

新春免費行大運野谷戶外活動
新一年不如來次遠足行大運！這個於年初三舉行嘅初三大旅行，全程需4.5小時，途經梅子林同西貢。只需於初三當日早上10時，於馬鞍山富安花園集合，就可齊來行大運！重係免費㖭！

野谷戶外活動中心
地址：大嶼山四白灣
電話：29838137
報名：登入此網頁 http://discovery.org.hk/ 登記便可