住家菜：
初一吃齋行好運麥潔文教你網網千斤

恭喜恭喜，大年初一，先跟大家拜個早年。中國人相信，大年初一吃齋菜會行好運。今次找來廿四考太太兼母親麥潔文，為大家示範三道醒神的賀年齋菜，賣相精緻吸引，但做法極之簡單，你都可以試做，給家人一個不一樣的農曆年初一。
記者：羅惠芬
攝影：林栢鈞
示範：麥潔文　
協力：荃灣超級環保街市城駐場大廚梁家駒

轉吃素菜才3個多月的Kitman，自言一向崇尚清淡的飲食習慣，最近索性連老公及一對子女都改吃素。「食齋對腸胃很好，又唔易食滯。以往新年經常吃煎炸食物，肥膩又不健康。今年就沒有這個煩惱了。」不過，家中小朋友對肉類非常留戀，難得這個當母親的明白，間中會讓他們吃葷。
由於Kitman食齋的日子不長，暫時會做的素菜都是以簡單為主，她最拿手的是煲蜜瓜蓮子豆腐湯，「有得飲又有得食，清甜滋潤，我老公就最鍾意。」

網網千斤　自煮價：$20/6人份量
用咩料：
山根 6個
蛋白 9隻
小棠菜 6條
素蠔油 1湯匙
粟粉水 1湯匙

好易做：
1﹒山根先拖水，待軟身後撈起，過冷河以去油及增加爽口感。壓乾水份。菜灼熟備用。

2﹒蛋白打勻，用中火炒至4至5成熟，熄火再炒至8成熟。

3﹒山根剪開一個小缺口，釀入蛋白，隔水蒸2分半鐘。埋蠔油芡，跟菜同鋪碟上。


小貼士：
1.炒蛋白一定不能燒紅鑊炒，否則會黏鑊。將手放在離鑊3吋位置，若感到輕微刺肉，即表示可將蛋白落鑊。

2.除蛋白外，也可加入其他材料，如馬蹄、西芹等。

如來佛祖炒飯　自煮價：$36/4人份量
用咩料：
白飯 3飯碗
黃耳 2朵
雞蛋 2隻
紅棗 10粒
髮菜 半両
芥蘭 4両

好易做：
1﹒髮菜及黃耳浸軟。黃耳、紅棗及芥蘭切成指甲片大小，全部拖一拖水，備用。

2﹒慢火炒蛋，炒至半熟即下白飯，改用中火炒2分鐘，放入其餘材料，炒香即可。


小貼士：
炒蛋和飯不能用猛火，否則易黏鑊。

法海蒲團　自煮價：$45/6人份量
用咩料：
腐皮 半塊
髮菜 1両
雜菇 10両
素蠔油 2湯匙
粟粉水 半湯匙
素上湯 3碗

好易做：
1﹒腐皮用7成滾油炸至轉色，之後用熱水浸軟。

2﹒髮菜及雜菇拖水，用上湯燴至8成熟。

3﹒用腐皮包好雜菇，開口部份向上，蒸3分鐘反轉上碟。鋪上髮菜，用粟粉水埋芡汁即成。

小貼士：
1.髮菜及雜菇飛水時，可加入適量薑、葱和油，有助辟去腥味。

2.埋芡時，粟粉水要邊下邊攪動，以免不均勻。

3.雜菇可隨意配搭，如雞髀菇、草菇等。

投資環保街市
愛靚愛乾淨的Kitman，平日極少踏足街市，怕它濕漉漉又污糟。最近她與友人投資了過百萬，在荃灣開設環保街市。「新街市以乾淨企理為大前提，地下唔會有積水，清潔衞生。」Kitman今次更身體力行，由街市駐場大廚梁師傅陪同，走到街市購買煮齋材料，更得師傅傳授了幾招，炮製了上述三道齋菜。