恭喜嘅說話梗係要打頭陣，年年蘋果基金都代表受惠嘅一眾向捐錢的善長仁翁拜年，今年點都要多謝一下啲貧苦大眾，你哋喺絕處都能夠打個觔斗企番起身，足見你哋不亢不卑不屈不撓，你哋係香港人嘅精神，冇咗你哋嘅求生和勇氣，我哋做幾多都顯得失色，多謝你哋！
猴年伊始，祝你哋豐衣足食、身體健康、平安順境！
各位深深體會「施比受更有福」嘅讀者就左手嚟、右手捐，捐得多、笑得多。
舊年基金平均每月約收170幾萬捐款，咁樣嘅經濟環境，你話多定少？只想講一句：多謝！多謝廣大讀者對我哋嘅支持和信任，由基金自九五年成立到𠵱家，一直風雨不改，無怪乎我哋可動用嘅善款每年愈滾愈大。
去年，香港遭「非典」蹂躪期間，壹傳媒集團一報四刊首次賣報賣書籌款，與萬眾讀者齊心支持抗炎行動；喺短短一個多月基金撥款超過280萬，分三個階段提供一條龍服務，包括：派口罩畀弱勢社群抗炎、直接幫「非典」受難者、同埋幫受「非典」影響嘅貧苦大眾。
舊年另一創舉，係「蘋果助學金」打破咗三個紀錄：歷屆申請人數最多、總撥款額高達160萬、以及受惠學生共有350多名。展望新一年，基金嘅心願係：喺有限嘅資源下，繼續做無限好事！
暖流熱線
電話:29908688
傳真:23702192
電郵:
網址：