我的電台拍檔羅啟新最近又有新思維，在《向左扭向右扭》節目中創造了三個人物：史朝拔、蘇先甫和AnnieWai，人物性格顧名思義。
有一集我覺得蠻有意思又應節，在此向羅啟新借用，跟大家分享。
史朝拔問：新年放桃花係想大展鴻圖，新年放桔係想大吉大利，不過點解新年要放水仙？
蘇先甫：Sosimple啦！等我同AnnieWai示範一下，你就會明白。
AnnieWai：好哇！我識咗一個新男朋友。
蘇先甫：有冇水先？
AnnieWai：搵咗一份兼職。
蘇先甫：有冇水先？
AnnieWai：你可唔可以過兩日幫我做些少嘢？
蘇先甫：有冇水先？
AnnieWai：史朝拔，你明白未？
很喜歡逢星期三、五凌晨的節目，因為我可以飾演AnnieWai，一個嬌傲而白癡的角色，演了幾集，發現做AnnieWai這種人很過癮，得罪人多稱呼人少而又沒有後果，對我這樣守規矩的人是一種很好的發洩。