新春蒲點：<br>新春有碇蒲搵馬騮仔陪你過年

新春蒲點：
新春有碇蒲搵馬騮仔陪你過年

新春佳節，想感受新年嘅熱鬧氣氛，當然要出街走走，唔好以為年三十晚只可以行花市，而年初一、二、三亦只可以拜吓年咁沉悶；其實好多商場同機構，為咗配合猴年嘅來臨，都紛紛絞盡腦汁，重搞咗唔少新春慶祝活動，讓大家歡度佳節！至應節應景嘅，就梗係搵齊天大聖同你度歲。鍾意到訪水簾洞、搵五呎高大猴子，抑或見識詩意水墨猴畫，悉隨尊便！

記者：吳嘉怡　攝影：伍慶泉
服裝提供：滿清皇朝（電話：27814998）
模特兒：Angela、Gary、Joanne、Wing、曾華欣小朋友（Starryland）

一家大細探水簾洞太古城中心
唔使去花果山咁遠，亦唔需要去馬騮山咁大「風」險！今個猴年想應吓景，一家大細搵馬騮仔合照，就來這裏吧！太古城中心以得意可愛嘅「靈猴」做主題布置！重點必玩係二樓「水簾洞」，除咗有靈猴做主角，重有山有水，一家大細嚟影相就最適合不過。置身那些活靈活現嘅猴子叢中，真實嘅水簾洞就像活現眼前！望住潺潺流水，從石澗間流下，同時亦寓意「風生水起」，夠晒意頭！

5大必到場景

商場內的水簾洞，有成16隻猴子猴孫，每隻嘅表情、動作都唔同，加上身上全部都係用白色棉花，以人手逐少逐少黏貼起來，手工真係非常精細！

整個水簾洞除咗以猴子作招徠外，抬頭一望，你會發現整個天窗均以桃花作布置，瀰漫住一片桃紅色，非常浪漫及有情調。

位於商場一樓，呢個靈猴送壽嘅布置，有九隻五呎高嘅靈猴仔托住大壽桃，寓意添福添壽，老人家見到最開心啦！

呢個北獅與大圓波嘅組合，直徑足足有10呎，對做生意嘅人嚟講，可謂意義深遠，因為有着貨如輪轉嘅意思。

太古城中心
地址：香港太古城中心二樓舞台
電話：25688665
開放時間：年初一至年初三：中午12時至晚上9時30分；年初四至年十八：早上10時30分至晚上9時30分
廣州雜技團表演時間：即日至8/2（每日12時後，共3場）

水禾田筆下啱情侶度歲
荷里活廣場
九龍鑽石山荷里活廣場摒棄了傳統有花有樹嘅新年布置，而以特色的西藏轉經輪擺設同建築特色亮相，更邀請著名攝影師水禾田先生，以水墨畫方式，繪畫出14種唔同嘅猴子造型，以表達14種唔同嘅生活態度，與愛侶到此一遊，充滿詩情畫意之餘，意義更加深遠！

這棵40呎高的桃花樹，還有荷花及花燈作裝飾，情侶走過，不妨祈求蜜運成功！

以現代雜技藝術為主打嘅「廣州雜技團」，被邀來港演出，由1月12日至1月31日，其中更會即席用綢吊，在空中做出各種高難度動作。還有在天空走鋼絲這極富視覺享受的演出。表演者在鋼絲上表演如單手頂擺、前滾翻接等，以及圖中嘅「臂搖單車」，現場睇更加係少啲膽量都唔得。

荷里活廣場
地址：九龍鑽石山龍蟠街3號荷里活廣場
電話：21188811
開放時間：早上11時至晚上10時

5呎高猴子陪小朋友玩
葵芳新都會廣場
甫踏進葵芳新都會廣場，就有5呎真人咁高嘅趣致小猴同你拜年！而且重有5隻咁多，小朋友見到實鍾意！而商場內嘅大型連鎖式食店，在新春期間都照常營業，今個年假唔使怕悶啦！

14款不同造型嘅猴子，以表達「喜悅」、「知足」、「樂天」、「不看」、「不信」、「不聞」、「常樂」、「拾得」及「喜施」等生活態度。

這個一排8個嘅地動轉經輪，每個經輪表面都刻有祝福字句，以順時針方向轉，每轉經輪一圈就等同於念經一遍。

葵芳新都會廣場
地址；新界葵芳興芳路223號（葵芳地鐵站側）
電話：24296500
開放時間：中午12時至晚上9時正

商場中間嘅大堂位置，重有兩隻分別3呎高、手持壽桃的小猴子。庭內還有荷花池及鯉魚，任遊人欣賞。

荷花池四周，更吊上應節燈籠，以紅、黃色為主色。事關燈籠全部都以越式為主，加添創意！

＊註：商場節目及優惠如有任何更改，以該商場當天的公布為準。