長毛演出問責願意落台 - 李八方

  長毛演出問責願意落台 - 李八方

長毛梁國雄猴年出世,今年一定係「長毛年」,佢一向都鍾意大鬧天宮,最新搞作係粉墨登場,初七起會參演一齣有關佢偶像哲古華拉生平嘅話劇,早前佢專誠同其他演員及製作人員飛去古巴,追訪革命家哲古華拉嘅事迹。
長毛話此行感觸良多,特別係去到哲古華拉墓地時,直頭想喊,目睹古巴人民生活水準惡劣,更加傷感,佢話有興趣睇佢做戲嘅朋友可以買飛捧場,重懶幽默咁講:「如果我做得唔好,可以叫我落台,我願意落台。」點解古巴咁窮?咪因為有個哲古華拉嘅共黨兄弟卡斯特羅囉。
南美之行令長毛今年錯過抗議老董發表施政報告嘅機會,噚日佢本來打算趁老董傍晚行花市時去維園「贈興」,點知老董今年下午兩點幾已經蒲頭,長毛瞓到日上三竿先起身,就冇得當面問候老董「拜早年」嘞。
(圖〉長毛演繹以偶像哲古華拉生平為題材嘅話劇,初七起有得睇。



傳真︰2623-9278
電郵︰[email protected]