Twins的鍾欣桐（阿嬌）今日生日，她的拍檔蔡卓妍（阿Sa）昨晚為她舉行生日會，昨午阿嬌不避嫌表示已send了短訊邀請陳冠希出席，反而另一緋聞男友余文樂已很久沒聯絡。
二人組合Twins昨日在銅鑼灣出席電影《見習黑玫瑰》的宣傳活動，大會還為今日牛一的鍾欣桐預祝生日，即場送上蛋糕及開香檳，而蔡卓妍昨晚亦為阿嬌舉行生日派對。
問到阿Sa邀請了甚麼朋友，她說：「圈外圈內嘅朋友囉，有啲叫咗又冇答到嚟唔嚟，咁大家都明啦，費事尷尬嘛！」記者坦言不明為何尷尬，阿Sa解釋說：「咁會有好多記者嘛，如果叫咗人嚟又俾人寫到好衰，咁咪唔好囉。」
那麼阿嬌會否邀請緋聞男友余文樂？阿Sa搶着說：「我哋好耐冇聯絡㗎啦。」阿嬌則笑說：「冇呀，咁你哋（指記者）有冇話佢聽呀？如果佢睇到報紙知道我生日就應該送禮物。」問到另一緋聞男友陳冠希會否出席，阿嬌說：「我send咗短訊畀佢，同佢講我生日有party，問佢『我份禮物呢？』，佢冇覆我呀。」
前晚Twins又出席電影《小飛俠》首映，大會找來九位小朋友扮演戲中的角色進行比賽，阿Sa見到一班小朋友已非常開心，她直言說：「我真係好鍾意小朋友，愈來愈想生，最好就生龍鳳胎。」阿嬌在旁亦說：「係呀，我就想三十歲生BB。」阿嬌指她的生日願望是推出國語碟，以及今年成績比往年更好。
採訪：胡比、駱華齡
攝影：陳慧安
