飲食人誌：
年夜飯要食得好金黃魚翅撻

年三十晚食團年飯的重要程度比女仔扮靚有過之無不及，沒有人會反對。不過，年年團年飯不是雞、燒肉、蒸魚，就是髮菜蠔豉，連食翅都離不開雞煲翅，悶吧？今年決定找來魔幻廚房，將魚翅變變變，變出新花款。

記者：馬靜兒　攝影：梁翠妍、伍慶泉

在福苑當廚師的曾仲康師傅認為不應該規限食物的做法。「最怕煮來煮去都是嗰幾味，『不因循』是我的座右銘。誰說魚翅一定要鹹食，一定要雞煲翅，一定要紅燒鮑翅，時代都不同啦！」
「魚翅都可以甜食，有冇試過食魚翅啫喱？魚翅撻？有些食物只要能配合味道，甚麼也可以做出來。出街食飯都是想試一些自家難做的菜，而且辛苦搵埋自在食嘛！」其實，品嘗美食都是為了逗自己開心，今年團年一於試新口味。

矜貴小食
酥皮焗魚翅盞$68/6個：以前有燕窩撻，現今有魚翅盞。用魚翅、忌廉汁、洋葱、白菇加入酥皮焗至少許焦黃色，表面再鋪上魚翅。食落有點似麵包舖的雞批，但有魚翅就矜貴許多。

晶瑩剔透
魚翅桂花凍$48/杯：桂花糖做成啫喱，不但表面鋪上魚翅，連啫喱內也加入大量魚翅，晶瑩剔透。桂花味清香，魚翅夠腍。魚翅要煮得夠腍，但控制火候好重要，煮得太久，魚翅會完全融化，所以都頗考功夫。

脹卜卜雞翼
大鵬展翅$18/隻（兩隻起）：完全是手工之作，將雞翼去骨，釀入金華火腿絲、魚翅、金菇和蟹柳的餡料，雞翼表面掃上醋和麥芽糖，然後放入焗爐焗至金黃即成。魚翅加上金華火腿的鹹香和雞翼的香脆，值回票價。

福苑火鍋海鮮酒家
地址：黃大仙啓德花園二期一樓
電話：29978866
營業時間：6:00am-1:00am，年中無休。
註：加一服務費，魚翅菜式只限晚市供應。

兒孫滿堂鍋
（三文魚頭魚子鍋）$188：三文魚、魚頭及紅魚子共冶一爐，加上生筋、豆卜、粉皮及冬菇就成了這道魚頭魚子鍋，寓意兒孫滿堂。

次次發寶鴿
（魚翅寶鴿髮菜汁）$288：將足五両魚翅和八寶，即瑤柱、糯米、栗子、蓮子、百合、火腿、冬菇和青豆釀入鴿肚同煮兩個小時，口感豐富。

金飯館
電話：25063288
地址：銅鑼灣勿地臣街一號時代廣場1204室
營業時間：平日12:00nn-3:00pm，6:00pm-11:30pm；年初一全日休息；年初二及初三午市休息，晚市6:00pm-11:30pm
註：加一服務費，茶錢每位$12

金玉滿堂
（鮑魚官燕蟹王）$680（四位用）：用名貴的鮑魚、官燕和蟹王做成菜式，夠名貴，三種材料含蛋白質，對美顏有幫助。

龍馬精神
（龍蝦雜菜拼盤）$388：將龍蝦肉切粒，葱、紅椒、子薑、蕌頭、芫荽切絲，加上薄脆一起撈勻，寓意「撈起」的意思，加入以沙律汁、茄汁、生抽及檸檬汁混成的醬汁，入口爽口兼彈牙。

聘珍樓
電話：25062333
地址：銅鑼灣勿地臣街一號時代廣場1003室
營業時間：11:30am-12:00mn，年中無休。
註：加一服務費，茶錢每位$11，XO醬$15一碟（每枱一碟）