今日年三十，股市得半日市，昨日炒到㷫烚烚，相信今朝都會炒高迎接猴年紅盤。八方打電話同經紀拜早年，佢哋個個都話銀行股買得過，因為本港經濟復甦，銀行最得益；本地銀行好景，首選當然係恒生同埋率先派成績表嘅東亞，大家不妨入定貨等好消息。
恒生銀行副董事長兼行政總裁鄭海泉當然唔會評論股價，但就同大家拜年，希望新一年香港經濟活力充沛一如靈猴，市道興旺，想開工的都有工開，更願人人身壯力健，喜氣洋洋。
而前日八方見到東亞銀行主席李國寶，佢亦託八方恭喜各位讀者新春吉祥、身心康泰，至於猴年願望，李國寶就祝願本港經濟復甦，百業興旺。
八方亦恭祝各位讀者身體康健，猴年豐收。
傳真︰2623-9278
電郵︰