海關關長湯顯明係由保安局空降到海關，好多人都擔心佢鎮唔住個部門，可能佢自己都想進一步建立同班手足嘅關係，所以喺噚日舉行嘅年結記者會上，特別提出咗三個「騎呢」例子，講述基層關員執法時嘅辛酸，以作表揚。
湯Sir話其中一個例子係「深水埗許願樹」，一名關員喺深水埗發現一名不法分子將私煙掛喺一棵大樹上，情形好似大埔林村嘅許願樹一樣，當關員拘捕該名不法分子時雙方發生糾纏，個關員竟然俾個不法分子喺小腿上咬咗一啖，重留低咗個牙齒印㖭。八方聽到都忍唔住笑咗出嚟，睇嚟湯Sir舉例都有花過心思。湯Sir，你係得嘅。
傳真︰2623-9278
電郵︰