任賢齊前晚在銅鑼灣時代廣場駕着一輛寶馬電單車，載着楊紫瓊出席《飛鷹》首映禮。楊紫瓊穿上透視水晶短裙和長靴，十分性感。
前晚天氣轉冷，最低氣溫只有十度，楊紫瓊穿得這麼性感，難道不怕着涼，她說：「水晶裙係由美國時裝設計師幫我度身訂做，我唔怕凍喎！因為心情太興奮同緊張，就算返大馬做宣傳都唔夠喺香港咁緊張同興奮，可能因為呢部戲嘅工作人員全部喺香港，所以喺香港睇首映特別有感覺。」
此外，鄺美雲、李冰冰、何韻詩和陳寶珠等前晚亦有到場支持楊紫瓊，鄺美雲說：「阿梅死咗之後，我喺自己平時去開嘅庵堂，搵咗人同佢誦經，一路會到尾七先結束，希望佢可以早登極樂。阿梅死咗之後，實在有太多是是非非發生，希望大家一人少句，等佢可以走得安樂啲。」
