向海嵐拍的電視劇集頗受海外華人歡迎，成為美加登台的搶手貨，故她決定在農曆新年檔棄男友搵真銀。向海嵐發新年財之前，提早與家人吃團年飯，更親自買餸及下廚。
向海嵐身為無綫花旦之一，農曆新年檔期亦成為美加登台的搶手貨，所以她今年不會在香港過農曆新年，向海嵐日前接受訪問時說：「今年好好彩，我年三十（明日）去登台，年初二返香港。今次係我第一次新年登台，有得搵真銀，好開心，都算係一個好開始。」
大年初一向海嵐已經不在香港，所以她特別提早今日年廿九跟家人團年，她說：「團年就一定要，所以我同屋企人提早食，由我負責煮團年飯。我一早去街市，買好多新鮮魚、菜同肉，而有一味我每年都會整，就係糖醋排骨，試過嘅人都話好味㗎。」
向海嵐的新戀情去年曝光，新年這個大日子，恐怕新男友要一個人度過，她說：「咁搵錢緊要嘛，拍拖幾時都得啦，相信佢會明白同體諒我。至於屋企人，我係獨女，新年唔喺香港陪佢兩個老人家，都係唔係咁好，但係冇辦法啦。不過我屋企有好多親戚朋友，相信佢哋都不愁寂寞。」不知有否親友催她派利是呢？向海嵐笑說：「重未有喎，邊有咁快吖，啱啱先拍拖，我都以事業為重嘅。」
採訪、攝影：卓美娟
